Нас, хүйс, өвчний төрлөөс шалтгаалахгүйгээр гэр бүлийн бүх гишүүдийн иж бүрэн эмчилгээ байнгын хяналтын үйлчилгээг хүргэх, бүх эмгэгийн 90% орчмыг эмчлэгч эмч нар байдаг. Гэр бүлийн бүхий л гишүүдийн эрүүл мэндийг хариуцагч эмчийн хувьд эрүүл байсан ч өвчтэй байсан ч бүх төрлийн зөвлөгөө, эмчилгээг хийх ба илүү нарийн мэргэжлийн эмчилгээ шаардлагатай үед бусад тасаг руу шилжүүлэх, санал болгох, олон газар өвдөх юмуу аль тасаг руу хандахаа мэдэхгүй үед өрхийн тасагт үзүүлэн зөвлөгөө авахад болно.

Бактери, мөөгөнцөр, вирус, шимэгч хорхой зэрэг халдварын улмаас үүдэлтэй эмгэгийн талаар эмчилгээ судалгаа хийдэг тасаг юм. Хоолойны махны үрэвсэл, залгиур хоолойн үрэвсэл, бөөрний сувгийн үрэвсэл, давсагны үрэвсэл, тунгалгийн зангилааны үрэвсэл, менингет, эндокардит буюу зүрхний хальсны үрэвсэл, гэдэсний үрэвсэл, сэмжний үрэвсэл, гэдэсний хижиг, булчин задрах тахал зэрэг хоол боловсруулах системийн халдвар, чөмөгний халдвар, зөөлөн эдийн халдвар, цусны халдвар, хумхаа өвчин, намрын улирлын халдвар өвчин зэргийг эмчилж байна. Мөн насанд хүрэгчдийн аялал жуулчлалын эмгэгээс урьдчилан сэргийлэх зөвлөгөө, шалтгаан нь олдохгүй халууралтын хурдан шуурхай оношилогоо, эмчилгээг хариуцахаас гадна халдварын тархацын судалгаан дээр үндэслэн хяналт болон урьдчилан сэргийлэх арга хэмжээн дээр бүхий л хүчээ дайчлан ажиллаж байна.

Гармонтой холбоотой өөрчлөлт, бодисын солилцоотой холбоотой эмгэгийг оношилох, эмчилгээ хийх дотрын тасгийн нэг салбар бөгөөд голлон эмчилгээ хийх эмгэг нь өнчин тархины эмгэг, бамбай булчирхайн эмгэг, бөөрний дээд булчирхайн эмгэг, чихрийн шижин, ясны сийрэгжилт зэрэг болно.

Ревматизм үений үрэвсэл болон олон төрлийн үений эмгэг, дархлааны системийн эмгэгийг эмчилдэг тасаг. Ревматизмын эмгэг нь архагшсан өвдөлтийг үүсгэдэг бөгөөд ихэвчлэн хүний биеийн дархлааны системийн өөрчлөлтөөс болон үүсдэг. Хэвийн дархлааны систем нь гаднаас орж ирж буй бактери болон вирусын эсрэг дархлааны елементийг үүсгэн довтолдог бидний бие мах бодийн хамгаалах чадварыг хэлнэ. Гэтэл энэ хамгаалах системд өөрчлөлт орон өөрийн биеийн хэсгийг гадны биет хэмээн буруу хүлээж аван биеийн аль нэг хэсэгт үрэвсэл үүсгэдэг. Энэхүү эмгэгүүдийг ревматизмын буюу дархлааны системийн эмгэг гэдэг. Ревматизм судлалын тасагт ревматизмын үений үрэвсэлээс гадна Лүпүси, Systemic sclerosi, үрэвсэлийн гаралтай булчингийн үрэвсэл, судасны үрэвсэл, Sjogren's syndrome зэрэг дархлааны системийн үүдэлтэй Аnkylosing spondylitis, тулай, ясны үений үрэвсэл (neuropeptide), (degenerative arthritis),бактерийн гаралтай үений үрэвсэл зэрэг олон янзын үений үрэвсэлийг нарийн мэргэжилийн эмч нар эмчилгээ хийж байна.

Мэдээ алдуулалт, өвдөлт зохицуулалтын тасаг нь мэс заслын явцад мэдээ алдуулах, эрчимт эмчилгээний тасгийн өвчтөний хяналт, өвдөлтийг намдаах зэргээр тус тус хуваагддаг. Мэс заслын явцад мэдээ алдуулалтын төрөл нь тархины мэдрэл, уушиг зүрхний судас, эрхтэн шилжүүлэн суулгах, төрөлт, амбултори, хүүхэд, өндөр настан зэрэг байдаг. Мэдээ алдуулалтын аргачилал нь амьсгалын, венийн судасны, нугасны, арьсан доорх, төрөл бүрийн мэдрэлийн тусгаарлах зэрэг болно. Мэс заслын өмнө шинжилгээний хариу болон өвчтөний биеийн байдал нөхцөлд тохируулан аюулгүй аргыг сонгон мэс ажилбарыг хийж байгаа болно. Эрчимт эмчилгээний тасагт өвчтөний амьгалын зохицуулалт, зүрх, уушигны үйл ажиллагааг зохицуулж хянаснаар амь насанд нөлөөлөх байдлаас урьдчилан сэргийлэхэд анхаарлаа хандуулдаг.
Өвчин намдаах клиникийн хувьд хурц болон архаг өвдөлт, хавдрын өвдөлтийн онош болон эмчилгээг хийж байгаагаас гадна төрөхийн өвдөлтийг зохицуулах, өвдөлтгүй төрүүлэх,мэс заслын дараах өвдөлтийг зохицуулж бууруулах зэрэг арга хэмжээг авдаг.

Туяаны эмчилгээ нь мэс заслын дараа хими эмчилгээтэй хамт хийгддэг хавдрын эмчилгээний үндсэн гурван төрлийн эмчилгээний нэг бөгөөд өндөр хүчтэй инергитэй туяаг ашиглан хавдрын эсийг устгадаг эмчилгээний арга юм. Туяаны инерги нь хавдрын эсэн дэхь генийг гэмтээн хавдрын эс нь дахин төлжиж чадахгүй болгох юмуу устгадаг. Энэ явцын дунд ойр орчмын эрүүл эсүүд гэмтдэг. Гэвч эрүүл эсийг бодвол задрал нь хурдацтай явагддаг хавдрын эсүүд нь амархан үхэх ба эрүүл эсүүд нь туяаны нөлөөлөлөөс болон гэмтсэн ч дахин сэргэх чадвар сайн тул хавдрын эмчилгээнд туяа эмчилгээг ашигладаг.

Шээсийг ялгаруулж гадагшлуулах бөөр, шээлүүр , давсаг, шээсний сувгийг хамруулахаас гадна, эрэгтэйчүүдийн бэлэг эрхтэн, төмсөг, бөөрний дээд булчирхай хэвлийн доод хэсэгт үүсэх эмгэгийг эмчлэх тасаг юм. Нарийвчилбал бөөр, шээлүүр, давсаг, түрүү булчирхай, төмсөг, шээсний суваг, бөөрний дээд булчирхайд үүсэх хавдар, ургацаг, шээлүүрийн төрөлхийн гажиг, нөхөн үржихүйн эрхтэн тогтолцооны гажиг, шөнө шээс алдах, хүүхдийн нөхөн үржихүйн эрхтэн тогтолцооны тасаг, шээлүүрийн чулуу, түрүү булчирхайн томрол, мэдрэлийн гаралтай давсагны үйл ажиллагааны эмгэг, эмэгтэйчүүдийн шээсний задгаарлын оношилгоо, эмчилгээний аппарат, комьютороор давсагны үйл ажиллагааг шалгах шинжилгээний аппарат болон шээс задгааралтын эмчилгээний хэрэгсэл зэрэг хамгийн сүүлийн үеийн дэвшилтэд технологийг эмчилгээ шинжилгээндээ ашиглаж байгаа болно.

Жирмэслэлт, төрөлт, хэвийн бус жирэмслэлт, эмэгтэйчүүдийн эрхтэн тогтолцооны анатоми физологийн гажиг, удамшил, төрөлхийн гажиг, үргүйдэл, олон давталтад зулбалт, умайн гаднах жирэмслэлт, хорт хавдар, цэвэршилтийн үеийн зовиур, эмэгтэйчүүд судлалын бүхий л эмгэгийн оношилгоо эмчилгээг хийдэг тасаг. Хэвлийн дурангийн мэс заслын аргаар өвчтөний биед маш бага хэмжээний ганцхан, хүйсэн дээр зүсэлт хийх юмуу дурангийн аппарат орох хэд хэдэн жижиг зүсэлтийг хийх зэрэг хамгийн сүүлийн үеийн эмчилгээний аргыг хэрэгжүүлж байгаа болно. Хэвлийн дурангийн мэс заслаар умайн бүх төрлийн ургацаг, умайн гаднах жирэмслэлт, өндгөвчний ургацаг, уйланхай, хэвлийн дурангийн наалданг, идээт үрэвсэл, үргүйдлийн оношилгоо эмчилгээнд нэвтрүүлж байгаа билээ. Хэвлийн дурангийн мэс заслын давуу тал нь мэс заслын дараа өвдөлт бага, эдгэрэлт хурдан, сорви бага үлдээх зэрэг гоо сайхны тал дээр сэтгэл ханамж өндрөөс гадна халдвар авах нь бага, аарцгын хөндийн наалданг бараг байхгүй эмнэлэгт хэвтэх хугацаа богино ажил, амьдралдаа хурдан эргэж орох зэрэг сайн талуудтай.

Хүн төрөлтхтөний үзэсгэлэн төгөлдөр, залуу байдлаа хэвээр хадгалах хүсэл мөрөөдөл хүчин чармайлтыг түүх тэмдэглэн үлдээхийн өмнөхөөс эхэлсэн байдаг. Мэс засал судлалтай хамтран Өвчин эмгэгийг эдгээн засахаас гадна гоо үзэсгэлэнтэй болох хүсэл мөрөөдөл нь одоогийн хүн төрөлхтний хүчин чармайлтын үр дүнд гоо сайхны мэс засал судлалыг хөгжүүлэх үндэс суурь болсон билээ. Гоо сайхны мэс залал нь төрөлхийн гажиг, гэмтлийн улмаас үүдэлтэй согог, мэс засал шаардлагатай арьсны болон зөөлөн эдийн эмгэг, бусад мэс заслын улмаас үүдэлтэй согог, түлэгдэлтийн эмгэгийн өөрчлөлтийг засах, давтан мэс засал зэргийг хийнэ.

Хүүхдийн архаг эмгэг болон эрчимт эмчилгээний тусламж үйлчилгээ үзүүлэх шаардлагатай хүүхдүүдэд тайван, итгэл найдвар өгөх зорилготой эмнэлгийн үйлчилгээг үзүүлэхийн тулд нарийн мэргэжлийн (хүүхдийн бөөрний эмгэг, амьсгалын замын эрхтэний эмгэг, харшлын эмгэг, хүүхдийн мэдрэл, нярайн эмгэг, хүүхдийн дотоод шүүрлийн эмгэг, хүүхдийн зүрхний эмгэг, хүүхдийн хоол боловсруулах эрхтэний эмгэг, хүүхдийн халдварын эмгэг зэрэг ) эмч мэргэжилтэн нараар бүрдсэн баг хамт олон бүхий л идэвх зүтгэлээ дайчлан ажиллаж байна. Тусгай тасгаар хүүхдийн багтраа, харшлын клиник, хүүхдийн бөөрний клиник, хүүхдийн уналт таталтын клиник, өсөлтийн клиник зэргийг ажиллуулж байна. Хүүхдийг аль болох саад бэрхшээл багаар олон шатлал дамжихгүйгээр эмчилгээ шинжилгээнд хамрагдах нөхцөлийг бүрдүүлэхийн тулд хүүхэд өсвөр үеийн төвийг байгуулан хүүхдийн тасгаас гадна хүүхдийн мэс засал, хүүхдийн урологи, хүүхдийн мэдрэлийн мэс засал, хүүхдийн сэтгэц мэдрэл, хүүхдийн ясны гэмтэл, хүүхдийн халдвар зэрэг тасгуудын эмчилгээг нэг дор авах боломжтой болгосон билээ.

Хоол хүнсний боловсруулалт, шингээлт, тэжээлийн хадгалалтыг удирддаг хоол боловсруулах системийн эрхтэнүүдэд үүссэн эмгэгийг оношилож эмчилдэг тасаг. Хоол боловсруулах системийн эрхтэнд улаан хоолой, ходоод, нарийн гэдэс, бүдүүн гэдэс, зэргээс гадна гаднаас орсон хоол тэжээл нь дамжин өнгөрөхөд шингээх шингэнийг ялгаруулагч, тэжээлийг хадгалах үүрэг гүйцэтгэгч эрхтэн болох элэг, цөс, цөсний суваг, нойр булчирхай зэрэг ордог. Дурангийн төв, ходоод гэдэсний үйл ажиллагааны шинжилгээний тасаг зэрэг сүүлийн үеийн тоног төхөөрөмжөөр тоноглогдсон, мэргэжлийн өндөр ур чадвартай эмч сувилагч, мэргэжилтэнгээр бүрдсэн баг хамт олон хамгийн үр дүнтэй, оновчтой оношилгоо эмчилгээг хийхийн тулд хоол боловсруулах эрхтэн системийн төвийг нээн ажиллуулж байна. Мөн хоол боловсруулах системийн дотрын тасгаас гадна мэс заслын тасаг, хоол боловсруулах эрхтэний дүрс оношилгооны тасаг, патологын тасаг зэрэг хоорондоо нягт хамааралтай тасгууд хамтран эмчилгээний явцыг хурдасган, өвчтөнд ирэх хүндрэлийг багасган, өвтөнийг нэн тэргүүнд тавин ажиллаж байна.

Төв мэдрэлийн систем болон захын мэдрэлийн системээс бүрдэлтэй мэдрэлийн систем түүнтэй хамааралтай булчингийн эрхтэний систем болон бие мах бодийн эмгэгийг оношилон эмчилгээ хийдэг. Ихэвчлэн тархины судасны эмгэг(цус харвалт) таталт, зөнөг өвчин, толгойны өвдөлт, толгой эргэлт, Пакинсин эмгэг, хөдөлгөөний саатал, захын мэдрэлийн эмгэг, архаг ядаргаа, нойргүйдэл, булчингийн хатуурлын хам шинж, бусад тархи болон нугасны усны халдварт эмгэгүүдийг эмчилдэг тасаг юм. Ялангуяа тархины цус харвалт, таталт, зөнөг өвчин зэргийг мэргэжлийн арвин туршлагатай нарийн мэргэшсэн эмч нар тусгай клиник тасаг нээн ажиллуулж байна.

Нойрсолтын шинжилгээ : Нойрсолтын явцад үүсэх эмгэг нь ихэвчлэн бусад өвчлөлүүдтэй адил ганц л эрхтэний асуудлаас болсон гэж үзэхээс илүү олон төрлийн эрхтэний хосолмол эмгэгээс үүдэлтэй байх нь элбэг байдаг. Тиймээс энэхүү эмгэгийг оношилохын тулд олон төрлийн шинжилгээний аппаратыг ашиглах бөгөөд үүнд тархины бичлэг(EEG), нүдний хөдөлгөөний шалгахын тулд нүдний угын зураг авалт (EOG), булчингийн байдлыг шалгах булчингийн бичлэг (EMG), зүрхний бичлэг (EКG), биеийн байдлыг хянахын тулд ведио бичлэг зэрэг нэг шөнийн нойрсолтын турш хийгдэх шинжилгээний аргачилал юм. Энэ шинжилгээний давуу тал нь биед туяаны нөлөөлөл үзүүлэхгүй аюулгүй шинжилгээнүүдээс бүрдсэн, нойрсолтын явцад үүсэх асуудлыг урт хугацаанд хянан өргөн хүрээнд харах боломтой.

Мэдрэлийн гаралтай эмгэгийн сургалт, судалгаа, эмчилгээг хийдэг. Ихэвчлэн Төв мэдрэлийн систем, (тархи, нугас) холбоотой эмгэг, зарим нэг захын мэдрэлд үүсдэг эмгэгт эмчилгээ хийнэ. Ялангуяа тархины судасны эмгэг, тархины хавдар, нугас, нугасны устай холбоотой, мэдрэлийн гэмтэл, төрөлхийн болон, хөгжлийн бэрхшээлийн саатал, захын мэдрэлийн эмгэгт мэс заслын шаардлагатай эмчилгээг хийдэг.

Бидний биеийн бөөрнөөс үүдэлтэй эмгэгүүдийг эмчлэх тасаг юм. Хүний бие нь гаднаас орж байгаа бүхийл хоол хүнс, шингэнийг шингээхээс гадна бөөрөөр дамжуулан байнгын тогтмол байдлаа хадгалж байдаг. Бөөрний эмгэг байх магадлалтай шинж тэмдгүүдэд хавагнах, шөнө шээх, ойрхон шээх, цустай шээх (гадна байдлаар мэдэгдэх болон микроскопоор харахад), уураг алдагдах, хөөстөй шээх, халууралттай ар хажуугаар өвдөх зэрэг зовиур байж болох юм. Архаг бөөрний дутагдалтай өвчтөн нь эмэн эмчилгээ болон байнгийн хоолны дэглэмийн зохицуулалт нь үр дүнтэй байдаг бөгөөд хоол тэжээлийн талаарх сургалт, их хэмжээний, өндөр үр дүнтэй диализ, онлайнаар диализын сургалт, хэвлийн диализ зэргээр эрүүл мэндээ урт хугацаанд авч явахад туслаж байна. Мөн дүрс оношилгооны тасаг, судасны мэс заслын тасагтай хамтран диализны үед шаардагдах артер венийн судасны үйл ажиллагааны дутагдлыг хурдан хугацаанд орлуулах арга хэмжээг хийн өвчтөний сэтгэл ханамжийг өндөрсгөж байна. Эрхтэн шилжүүлэн суулгах тасаг, Урологийн тасагтай хамтран бөөр шилжүүлэн суулгах мэс заслыг хийн, мэс заслын дараах хяналтыг давхар хийн явж байна.

Зүрх нь цээжний хөндийн зүүн талд байрласан өдөрт 100,000дээш цохилон, тархи болон бусад бүх эрхтэнд цусыг хүргэдэг эрхтэн. Зүрх нь амьд байхын хамгийн чухал эрхтэн бөгөөд зүрхэнд эмгэг үүсэхэд амь насанд аюултай болно. Ихэнхдээ цээжээр өвдөх, амьсгал давхцах, зүрхний хэм алдагдах зэрэг шинж тэмдгүүд илэрдэгч зарим тохиолдолд ямар нэгэн зовиур шинж тэмдэг илрэхгүй байсаар гэнэт амь насанд нөлөөлөх тохиолдол байдаг. Зүрхний дотрын тасаг нь энэхүү зүрхтэй холбоотой эмгэгүүдийг оношилон эмчлэх тасаг юм. Мэдлэг туршлага арвин эмч мэргэжилтний баг бүрэлдэхүүнтэй, сүүлийн үеийн дэвшилтэд технологоор тоноглогдсон, 24цагийн зүрхний бичлэгийн аппарат, 24цагийн даралт хэмжих аппарат, 3дахь хэмжилттэй зүрхний эхо зэргээр шинжилгээ хийхээс гадна, зүрхний судасны нарийсал, зүрхний инфакт, зүрхний титэм судасны эмгэг, зүрхний хавхлагын эмгэг, зүрхний дутагдлын мэс ажилбар, хэм алдалтын эмгэгийн мэс ажилбар зэргийг хийж байгаа билээ. Мөн зүрхний эмгэгийн хамгийн гол асуудал үүсгэдэг өндөр даралт, цусан дахь өөх тосны ихдэлт зэргийн шинжилгээ, оношилгоо, эмчилгээ, хяналтыг хийхээс гадна гол судасны эмгэг, төрөлхийн зүрхний эмгэгийн талаар эмчилгээ шинжилгээг нарийн мэргэжлийн төрөлжсөн эмч нар эрхлэн хийж байна.

Мёнжи эмнэлгийн нүдний тасаг дээр OCT (Optical Coherence Tomography) нүдний угын томограф, (HRA2 Heidelberg Engineering)торлог бүрхүүлийн шинжилгээ болон (Rotating slit scanning Camera) эвэрлэг бүрхүүлийн шинжилгээ, Humphrey харааны хүрээтэй холбоотой шинжилгээ оношилгооны аппарат болон нүдний болорын эхо, нүдний даралтын мэс засал, болор солих мэс засал, торлог бүрхүүлийн мэс заслын сүүлийн үеийн хамгийн шилдэг тоног төхөөрөмжөөр тоноглогдсон болно. Сүүлийн үед элбэгшиж байгаа чихрийн шижингийн дайвар эмгэг болох торлог бүрхүүлийн гэмтэл, өтлөлтийн шар толбоны өөрчлөлт, торлог бүрхүүлийн эмгэг, сормослог биеийн үрэвсэл, нүдний цөцгийн эмгэг, нүдний даралтын эмчилгээнээс гадна хамгийн их хийгддэг болор солих мэс засал, эвэрлэг бүрхүүлийн гоо сайхны мэс засал, нүдний өөх, эвэрлэг бүрхүүлийн мэнгэний лазер, ботокс болон пилло, давхрааны мэс засал, нүдний ухархайн ясны гэмтлийн мэс засал, солирын мэс засал зэрэг нүдтэй холбоотой олон төрлийн эмгэгийг эмчлэхээс гадна гоо сайхны мэс заслыг хийж байгаа болно.

Шилдэг эмч мэргэжилтнээс гадна дэвшилтэд технологийн аппаратыг суурьлуулсан оновчтой оношилгоо эмчилгээг хийхийн тулд хичээн зүтгэл гарган тасралтгүй судалгаа шинжилгээ хийсээр байна. Эмнэлгийн тоног төхөөрөмжөөр CT (GE, LightSpeed VCT 64; PHILIPS, MX8000IDT 16), MRI (PHILIPS, Intra 1.5T), ANGIO (PHILIPS, Allura 15), Эхо (GE, LOGIQ E9; PHILIPS, IU 22), 맘모톰, DR&CR System과 FULL PACS System (Infinitt) хамгийн сүүлийн загварын 3.0T MR (GE, Discovery 750)과 Biplane ANGIO (GE, Innova 3131) нэмэлтээр байрлуулсан хурдан шуурхай оновчтой оношилгоо эмчилгээгээр өвчтөнүүүдийнхээ эрүүл мэндэд туслаж байна. Дүрс оношилгооны тасгийн гол зорилго нь бүр төрлийн дүрс бичлэг(рентген зураг, Эхо, СТ, MRI, Ангионы аппарат) –ын зураг авалт, дүгнэлт бөгөөд үүн дээр үндэслэн оношилгоо эмчилгээг эмчлэгч эмчийн зааврын дагуу хийгдэхээс гадна зураг авалт хийнгээ эмчилгээ хийх боломжтой давуу талтай. Бие мах бодийн эрхтэн тус бүрээр нарийвчлан мэргэшсэн эмч мэргэжилтэн нар нь тус бүр байгаа болно. Мэдрэлийн системийн дүрс оношилгоо,хэвлийн хөндий, урологийн систем, цээжний хөндийн, яс булчингийн систем, ангио мэс ажилбар шинжилгээ, зүрх судасны систем, хүүхдийн дүрс оношилгоо, хөхний дүрс оношилгоо зэрэг төрлүүдээс бүрдэн дүрс оношилгооны дүгнэлт, мэс ажилбарыг хариуцан хийдэг.

Хавдар, хоол боловсруулах эрхтэний систем, нойр булчирхай, цөсний эмгэг, толгой хүзүүний хэсгийн эмгэг, дотоод шүүрэл, бүдүүн гэдэс анус, хөхний эмгэг, хүүхдийн мэс засал, судасны мэс засал, эрхтэн шилжүүлэн суулгах мэс засал зэрэг хийгддэг тасаг. Ходоод, бүдүүн, шулуун гэдэсний хавдрын төгс эмчилгээ, анхан шатны хавдартай өвчтөнд хамгийн бага оролттой мэс заслыг хийснээр мэсний шархыг хамгийн бага хэмжээнд үлдээн өвчтөний мэс заслын дараах сэтгэл ханамж, бүрэн эдгэрэх боломжийг дээшлүүлэхэд чармайн ажиллаж байна. Бусад төрлийн эдгэрэхэд бэрх мэс заслын эмгэгийн талаарх эмчилгээний болон дурангийн хагалгааны дараах давуу талуудыг улам нэмэгдүүлэн эмнэлгээс эрт гарах, өвдөлтийг зохицуулах зэрэг арга хэмжээг идэвхтэй авч байна.

Гэмтлийн өвчтөний эмчилгээ болон судалгааг хийдэг тасгийн хувьд орчин үеийн нийгмийн хөгжлийг даган авто осол, онгоцны осол, хөдөлмөрийн байрны осол, зэрэг төрөл бүрийн осол ихсэж байгаатай холбоотойгоор сүүлийн үед хамгийн их анхаарал татаж байгаа билээ. Хөнгөн гэмтэл хөхрөлт, урагдалт, зүсэлт, энгийн хугарал, олон газрын гэмтэлтэй өвчтөнүүд, амь насанд аюултай хүнд гэмтэлтэй өвчтөнүүдийг эмчилдэг тасаг юм. Олон хэсгийн гэмтэлтэй жишээлбэл толгой, цээж, гэдэс, аарцаг зэрэг дээд, доод мөчний гэмтэлтэй тохиолдолд мэдрэлийн мэс засал, цээжний мэс заслын тасаг, мэс заслын тасаг, яс гэмтлийн тасаг зэрэг төрөлжсөн нарийн мэргэжлийн эмч нарын эмчилгээ шаардагдах болно. Олон төрлийн гэмтэлтэй үед аль тасаг руу хэвтүүлэх нь эргэлзээтэй юмуу хойшлогдох үед эхний ээлжинд осол гэмтлийн тасаг руу хэвтүүлэн эмчилгээг дэс дараалан хийх болно.

Эрүүл мэндийн яамны харья бүс нутгийн эрүүл мэндийн төвөөр тодорхойлогдсон бөгөөд "Дээд зэрэглэлийн хурдан шуурхай эмчилгээг хүргэх" зорилгоор түргэн тусламжийн үйлчилгээг хариуцсан тэргүүлэгч төвүүдийн нэг юм. Хүнд өвчлөлийн эмгэгтэй түргэн шуурхайн эмчилгээ шаардлагатай өвчтөнүүдэд түргэн тусламжийн нарийн төрөлжсөн системийг бүрдүүлэн ажиллаж байна. Амь насанд нь нөлөөлөх хэмжээний хүнд өвчтөнүүдийг тусгайлан хянах болон эрчимт эмчилгээг хийн байнгийн хяналтанд байлгах бүхий л хянах аппарат зэргийг суурьлуулсан бөгөөд хиймэл амьсгалын аппарат, зүрхний аппарат, эхо аппарат, цусны дулааны хэмжээг нэмэгдүүлэх аппарат зэрэг хамгийн сүүлийн үеийн эмнэлгийн тоног төхөөрөмжийг суурьлуулсан. Хүнд хэлбэрийн гэмтэлтэй өвчтөн, дотрын тасгийн хүнд өвчтөн, зүрхний үйл ажиллагааны түргэн тусламж үзүүлэх шаардлагатай өвчтөнүүдэд эмчилгээ үзүүлэх төрөлжсөн тусгай тасаг, байнгын хяналтын тасаг, түргэний тасгийн мэс заслын өрөө, түргэний радиолог шинжилгээний тасаг, СТ, түргэний патологийн тасаг, түргэний эхоны тасаг зэргийг бүрдүүлсэн. 24 цагийн нарийн мэргэжлийн эмч мэргэжилтэн нараар бүрдсэн баг хамт олон түргэн тусламжийн нарийн мэргэжлийн эмч, гэмтлийн эмчилгээний баг, хорт бодисны эмчилгээний баг, зүрхний эмчилгээний баг, түлэгдэлтийн эмчилгээний баг, хүүхдийн эмчилгээний баг, түргэний мэргэжлийн сувилагч, аврагч зэрэг багууд нь 24цагаар эмчилгээ үйлчилгээг хийж байна.

Чих, хамар, хоолой, толгой хүзүүний хэсгийн эмгэгийг оношилон эмчилж хэвийн үйл ажиллагаанд оруулахад туслах, ажил амьдралаа үргэлжлүүлэхэд саадгүй болгож өгөх тасаг юм. Сүүлийн үед мэс заслын микроскоп, дурангийн мэс засал, лазерийн аппарат зэрэг хамгийн сүүлийн үеийн дэвшилтэд технологийг суурьлуулан чих хамар хоолойны эмгэгүүдийг мэс заслын микроскопийг ашиглан нарийн мэс засал, дурангийн мэс засал, лазерийн мэс засал зэрэг урьд өмнөхийг бодвол илүү нарийвчилсан мэс заслыг хийдэг болсон. Манай эмнэлгийн чих хамар хоолойн тасагт мөн сүүлийн үеийн энэ аппарат тоног төхөөрөмжийг суурьлуулан дээд зэргийн эмнэлгийн үйлчилгээг үзүүлэхийг хичээн ялангуяа нэгэн гэр бүлийн гишүүн адил сэтгэгдэл төрүүлэх орчныг бүрдүүлж өгөн эмчилгээний үр дүнг дээшлүүлэн хичээн ажиллаж байна.

Осол гэмтэл, төрөл бүрийн өвчний улмаас хөгжлийн бэрхшээл үүссэн хүмүүст бие мах бодийн болон сэтгэл санааг нь өөрийн дур сонирхол, мэргэжил, сургалт зэргээр далд байсан ур чадварыг хөгжүүлэн, хэвийн хэмжээнд хүргэх хүртэл, мөн өөрөө бие даан бусдын тусламжгүйгээр амьдралд оролцох чадварыг суулгаж өгдөг тасаг. Дотроо 3 төрлөөр хуваагдах ба физик эмчилгээний тасаг нь урьдчилан сэргийлэх анагаах ухаан, эмчилгээний анагаах ухаан, 3дахь ч анагаах ухаан гэж үздэг. Нөхөн сэргээх эмчилгээний тасаг нь төрөлжсөн мэргэжлийн эмч, физик эмчилгээний арга зүйч, хөдөлмөрийн арга зүйч, мэргэжлийн сувилагч, хэл ярианы арга зүйч, нийгмийн ажилтан гэх мэт олон төрлийн мэргэжилтэн нар нэг баг болон өвтөний биеийн байдалд дүгнэлт хийн эмчилгээний төлөвлөгөөг боловсруулан фикик эмчилгээг өргөн хүрээнд хамруулж өгөх ба ингэснээрээ нийгмийн амьдралд буцаж ороход нь туслаж өгөх болно.

Тусгай клиникийн үйл ажиллагааны чиглэл
Тархины цус харвалтын клиник, хөлний - чиг баригч туслах аппаратын клиник, хөгжлийн клиник, тархины гэмтлийн нөхөн сэргээх клиник, амьсгалын системийн нөхөн сэргээх клиник, нурууны гэмтлийн нөхөн сэргээх клиник, хавдрын тасгийн урлаг соёлын клиник, булчин ясны системийн өвдөлтийг зохицуулах клиник, зүрх судасны системийн нөхөн сэргээх клиник.

Бид өдөр тутмын амьдралаас авч байдаг стрессээс болон олон төрлийн эмгэгүүд үүсэхээс гадна нойргүйдэлт, төрөл бүрийн өвдөлт, уурлалтын эмгэг, сэтгэл гутрал, хоол хүнсны саатал, зүрх бөөрний үйл ажиллагааны саатал, айдас тотгорын гажиг, сэтгэцийн өөрчлөлт, ганцаардлын эмгэг зэргийг эмчилдэг тасаг. Зөнөх эмгэг, архи, эм, хориотой тоглоом, интернэт, зэрэг төрөл бүрийн донтох эмгэг, болон хүүхэд өсвөр насны сургалтын саатал, дасан зохицолтын саатал, нийгэмших асуудлын талаар мөн хүүхэд өсвөр үеийн сэтгэцийн нарийн мэргэжлийн эмч нар эмчилгээ үзлэг хийн туслаж байна. Сэтгэцийн судалгааны шинжилгээ, хүүхдийн сэтгэцийн судалгааны шинжилгээ, мэдрэлийн танин мэдрэхүйн шинжилгээ, стрессний анализ, зэрэг олон төрлийн шинжилгээ хийгддэг. Сэтгэл гутралын эм, тайвшруулах эм, сэтгэцийн өвчний эм зэрэг олон төрлийн эм болон мэдрэлийн эмчилгээ, гэр бүлийн эмчилгээ, ховсоор эмчлэх, електрон аппаратаар хянах эмчилгээ зэрэг олон төрлийн нарийвчилсан аргаар өвчтөнд хамгийн тохиромжтой үр дүнтэй эмчилгээг үзүүлж байна.

Дөрвөн мөч, нуруу мөн бусад эрхтэний хэлбэр, үйл ажиллагааг дотрын тасаг, мэс заслын тасаг, физик эмчилгээний аргаар судалгаа шинжилгээ хийн хадгалах, нөхөн сэргээх, сайжруулах анагаах ухааны төрөл бөгөөд олон нарийн мэргэжлийн эмч профессор, судлаач эмч, резидент, сувилагч мэргэжилтэн нар хамтран хурдан шуурхай дээд зэрэглэлийн эмчилгээ үйлчилгээг үзүүлж байна. Нурууны ясны төв : (хүзүүний яснаас ахар сүүл хүртэлх), гар болон гарын үе, хүзүүний үений хэсэг (мөр, тохойны үе), түнхний үе(аарцагны үе), өвдөгний үе, хөлний тавхайн үе(шагайны үе) зэргийг эмчлэхээс гадна нурууны үе, дөрвөн мөчний гэмтэл, гажиг, эмгэгийн хиймэл үе солих, гоо сайхны мэс засал, микроскопын тусламжтай нарийвчилсан мэс засал, эвлүүлэх мэс засал зэрэг төрөл бүрийн мэс заслын аргаар эмчилгээний дээд зэрэглэлийн үйлчилгээг үзүүлж байна. Мөн архаг чихрийн шижинтэй өвчтөний чихрийн шижингийн дайвар эмгэг болох хөлийн эд эсийн үхжилийн клиникийг нээн ажиллуулж байна.

Ажил хөдөлмөр эрхэлж байгаа хүмүүсийн эрүүл мэндийг хянан өвчин эмгэгээс урьдчилан сэргийлэх анагаах ухааны салбар бөгөөд эрүүл ахуйн орчны салбар нь бидний хүрээлэн буй орчны аюулт нөхцөлөөс үүдэн эрүүл мэндэд нөлөөлөхөөс урьдчилан сэргийлэх оношилох, эмчилгээ хийх зорилготой. Ажлаас үүдэлтэй эмгэгийг тодорхойлох, шинжилгээ хийх, мэргэжлийн өвчин мөн эсэхийг тодорхойлон мэдэгдэл хийх эмчийн дүгнэлт гаргах. Хар тугалганы хордлого, химийн бодисны хордлого, уушигны тоосжилт, сонсгол муудах зэрэг ажлын орчны эмгэгийг оношилхоос гадна сүүлийн үеийн нийгмийн өвчлөл болох ажлын стрессийн дүгнэлт, ажилчны тархи, зүрх, судасны эмгэгийн аюулыг дүгнэх, ажлаас үүдэлтэй яс булчингийн эмгэг зэргийг бусад тасгуудтай хамтран шалтгааныг нь олох, оношилох, эмчилгээний аргачилалыг нэг цэгийн үйлчилгээний праграммаар эрхлэн явуулж байна. Үүнээс гадна эрүүл ажлын орчинг бүрдүүлэх хөдөлмөрийн орчны эмгэгээс урьдчилан сэргийлэх үүднээс мэргэжлийн боловсон хүчин эмч, хөдөлмөрийн орчны сувилагч, үйлдвэрийн ариун цэвэр, хөдөлмөрийн нөхцөл судлал зэрэг олон төрлийн мэргэжилтэн нартай холбоотойгоор хөдөлмөрийн орчны нөхцөл эрүүл ахуйг дүгнэх, хянах, яс булчингийн үйл ажиллагааны хэт ачаалал, хорт бодисны судалгаа зэргийг хийдэг.

Хүний биеээс авсан бүхийл эд, эс, шингэнийг шинжилгээнд оруулан өвчний онош, эмчилгээ, хойшдын явцын байдалд чухал үүрэг гүйцэтгэдэг тасаг. Мөн цус сэлбэх процессийн аюулгүй байдлын хяналт, цус сэлбэлтийн өмнөх шинжилгээ, тохирох цусаар хангах зэрэг үүргийг хариуцан хийдэг. Автомат салбар (химийн технологи, цусны оношилогоо), тусгай салбар (дархлааны оношилгоо), микро биологийн салбар, цус хадгалалтын салбар, молекул генитикийн салбар гэж хуваагдан өвчтөний эмчилгээнд шаардлагатай шинжилгээг оновчтой хурдан хийх үүргийг гүйцэтгэдэг. Мөн лаборатор шинжилгээний тасгийн эмч нь шинжилгээний хариуг хянах, дүгнэлт хийх, судалгаа, зөвлөгөө, зөвлөмж, эрдэм шинжилгээний судалгааг хийдэг. 2003оны (TLA; Total Laboratory Automation) Автомат салбараар дамжуулан ихэнх химийн лабораторийн болон цусны оношилгоог 24цагаар эрхэлж байна. Түргэн тусламжийн яаралтай эмчилгээ шаардлагатай титэм судасны шинжилгээ (CK-MB, troponin I, hs-CRP, homocysteine) зэргийг шуурхай хийн өндөр зэрэглэлийн эмнэлгийн үйлчилгээг үзүүлэн өвчтөний сэтгэл ханамж, эмнэлэгт итгэх итгэлийн улам дээшлүүлэхийн төлөө хичээнгүйлэн ажиллаж байна.

Төрөл бүрийн нарийн мэргэжлийн эмч профессорүүдийн салшгүй уялдаа холбоотойгоор эмчилгээний төлөвлөгөөг боловсруулан үр дүнтэй эмчилгээг өвчтөнд үзүүлж байна. Эрүү нүүрний мэс заслын эмч нүүрний хэсгийн мэс засал, шүдний эмгэг, тэгшлэх аппаратны тасагт дорсгой шүдийг тэгшлэх, эрүү тэгшлэх, чиг барих тасгийн шаажан шүд, гүүрэн холбох шүд, хэсэгчилсэн хиймэл шүд, дээд доод хиймэл шүд, хорхойтсон шүдний эмчилгээний тасаг, шүдний мэдрэлийн эмчилгээ, шүд цайруулах эмчилгээ зэргийг хийж байна.

Биеийн бүхий л хэсгийг бүрхэж буй хамгийн их хэмжээний талбайг эзэлдэг, биед ирж буй өөрчлөлтийг өөрийн онцгой шинж тэмдгээр хурдан илэрхийлж байдаг бие махбодийн толь арьс, нүдээр харж болох салст, хумс, үс зэрэг арьсны төрөлд багтах бүхий л эмгэгийг хариуцан эмчилгээ хийдэг тасаг. Арьснаас гадна биений бусад бүх эрхтэнээс үүдэлтэй арьсаар дамжин илрэх зовиурыг эмчлэх ба лазерийн аппарат, гоо сайхны аппарат, нарны гэрэл туяагаар эмчилгээ хийх аппаратыг суурьлуулсан бөгөөд гоо сайхны холбоотой эмгэгийг эмчлэхээс гадна диатиз, арьсны цайралт, хайрст үлд зэрэг арьсны архаг эмгэгүүдийг төрөлжсөн клиникийг байгуулан ажиллуулж байна.

Цацраг туяаг ашиглан биеийн өвчлөлийг оношилон дүгнэлт гаргадаг анагаах ухааны салбар юм. Биеийн бүтэц, биохими , үйл ажиллагааг дэвшилтэд технологийн комьюторын зураг авалтын аргаар өвчнийг илрүүлэн оношилох боломжтой. Сүүлийн үеийн дэвшилтэд технолог аппарат болох PET, Allegro, Phillips – г суурьлуулан эхэн үеийн хавдрыг оношилох, үсэрхийлэлийг илрүүлэх, эмчилгээний дараа давтсан эсэхийг хянан ашиглаж байна. Мөн SPECT, Forte, Phillips аппаратаар зүрхний титэм судасны эмгэг, зүрхний инфакт, зүрхний дутагдлын эмгэгийг оношилох, тархины үйл ажиллагаа, биохимийн өөрчлөлтийг дүрс бичлэгээр буулгах, уналт, таталт зэрэг тархины бусад эмгэгийг оношилход ашиглаж байна. Бусад бүх биеийн ясны зураг, бөөрний шинжилгээ, бамбайн үйл ажиллагааны шинжилгээ, элэг цөс, хоол боловсруулах системийн шинжилгээ, уушигны шинжилгээ, захын судасны шинжилгээ зэргийг хариуцан хийж байна. Үүнээс гадна бамбайн булчирхайн хавдрын мэс заслын дараахи туяаны изотоп эмчилгээг хийж байгаа бөгөөд энэхүү эмчилгээ нь дэлхий нийтэд хийгддэг үр дүнтэй эмчилгээний аргачилал гэж батлагдсан болно.

Цустай холбоотой бүхий л эмгэг, бүх төрлийн хорт хавдар, хими эмчилгээг хариуцан хийдэг тасаг. Цус багадалт, цусны хавдар, чөмөгний хорт хавдар, тунгалгийн булчирхайн хавдар, цус алдалтын эмгэг зэргийг оношлон эмчилнэ. Цусны ерөнхий шинжилгээгээр асуудалтай гарсан тохиолдолд нэмэлтээр нарийвчилсан шинжилгээ хийн цустай холбоотой бүхий л эмгэгийг илрүүлэн оношилох, шаардлагатай тохиолдолд чөмөгний шинжилгээ хийн оновчтой онош болон эмчилгээг хийдэг. Хавдрын тасгаас бүх төрлийн хавдрыг оношилох, эмчилгээний төлөвлөгөөг боловсруулан хими эмчилгээний аргачилал, сөрөг нөлөөлөлийн талаарх бүхий л эмчилгээг хийнэ. Хавдрын эмчилгээ нь өдөр бүр өөрчлөгдөн шинэчлэгдэж байгаа бөгөөд үүнтэй мөр зэрэгцэн сүүлийн үеийн шинээр гарсан эм тариаг ашиглан өвчтөний амьдрах насыг уртасгахаас гадна эмний сөрөг нөлөөлүүдийг багасгах хөнгөвчлөх арга хэмжээг аван амьдралын идэвхийг дээшлүүлж өгнө.

Уушиг, мөгөөрсөн хоолой, гуурсан хоолой, цээжний гялтангийн эмгэгийг эмчлэх ба ихэнхдээ уушигны хатгалгаа, уушигны сүрье, гуурсан хоолойн нарийсал, астма, цулцангийн өргөсөл, архаг уушигны үрэвсэл, хавдар, өрцний төрөл бүрийн эмгэг, уушигны системийн өвчин орно. Түүнээс гадна архаг ханиалга, амьсгал боогдох, цустай цэр зэргийн үүсэх шалтгаан, оношилгоо, эмчилгээг хийхээс гадна хурц хэлбэрийн амьсгалын дутагдалтай өвчтөнд хиймэл амьсгал хийх, эрчимт эмчилгээний тасгийн өвчтөний амьсгалын системтэй холбоотой өвчлөлийг хариуцан эмчилгээ хийдэг тасаг болно.

Зүрх судасны төвийн зүрхний мэс заслыг өргөтгөн эрчимжүүлж, зүрхний судасны нарийсал, зүрхний инфактаас болж ирдэг титэм судасны эмгэг, зүрхний хавхлагын эмгэг, гол судасны эмгэг, зэрэг насанд хүрэгчдийн зүрх судасны эмгэгийн мэс засал, уушиг болон улаан хоолойн эмгэг, зүрхний төрөлхийн эмгэг, цээжний хэлбэрийн төрөл бүрийн гажиг, цээжний хөндийн эмгэг, захын артерийн судасны эмгэг, доод мөчний венийн судасны эмгэгийн мэс заслыг хийхээс гадна уушигны хавдар, уушигны хийжилт, цээжний гялтангийн эмгэг, цээжний голын тусгаарлах гялтангийн эмгэг, хулмасны эмгэг, цээжний гэмтэл, улаан хоолойн эмгэг, гуурсан хоолойн эмгэг, уушигны хавдар болон цээжний хөндийн дурангийн мэс засал хийж байна. Цусны гадаад эргэлтийн аппаратыг ашиглахгүйгээр титэм судасны мэс засал, хамгийн бага зүсэлттэй, мөн цус алдалтыг хамгийн бага хэмжээнд аваачих мэс засал, титэм судасны тойруулан холбох мэс засал болон хавхлагын мэс заслыг хамтад нь хийх, зүрхний булчингийн лазерийн мэс ажилбар, зүүн ховдолын цүлхэнгийн мэс засал зэрэг маш хэцүү өндөр ур чадвар шаардсан эмчилгээг хийж байна. Венийн судасны лазерийн эмчилгээ болон гэрэлтүүлэгчтэй дурангийн мэс засал зэргийг хийхээр бэлдэж байна.